विश्वचौतारीमा यहाँलाई हार्दिक स्वागत छ।

7/01/2016

गजल

सम्झेरै रात कट्दैछ आजकल
मनमा आशा अट्दैछ आजकल।

संसार टाढिदैछ झन् पर पर
दुरी हाम्रो घट्दैछ आजकल।

उपहार किन्नेको हुल बजारमा
फूल र नोट सट्दैछ आजकल।

यादले पछ्याइ रह्ये बाटोभरि
मुटुको व्यथा हट्दैछ आजकल।




6/28/2016

गजल

वचन दियौ भोलीको कुरामा दम छ
तिम्रो मीठो बोलीको कुरामा दम छ।

प्रेमको भारीले थिचिएको छु दिनदिनै
बोकी हिड्ने झोलीको कुरामा दम छ।

गुनगान गाउने धेरै भेटिए यात्रामा
हल्ला बेच्ने टोलीको कुरामा दम छ।

पीडाले छियाछिया भो यो छाती
मुटु छेड्ने गोलीको कुरामा दम छ।