अमेरिकाको विभिन्न राज्यहरुमा रहेका ९८ वटा सेभेन ईलेभेन स्टोरहरुमा आईसले छापा मारेको छ। अमेरिकाले यल सल्भाडोरलाई १५ वर्ष देखी दिदै आएको टिपीयस सुविधा खारेज गर्‍यो, २०१९को अन्त्य सम्म दुई लाख साल्भाडोरियनले अमेरिका छाड्नु पर्ने। अमेरिकाको उत्तरपुर्वी राज्यहरुमा ग्रेसन नामको हिमपातले जनजीवन प्रभावित,तापक्रम शुन्य डिग्री फरेन्हाइट भन्दा तल पुगेपछि विद्यालयहरु बन्द। २०१८ को जनवरी २२ देखि अमेरिकाको यातायात सुरक्षा विभागले नौ राज्यले न्यूनतम संघीय सुरक्षा मापदण्ड पुरा नगरेको भन्दै उक्त राज्यका सवारीचालक अनुमति पत्रको भरमा हवाईयात्रा गर्न नपाउने निर्णय लिएको छ।

15 January, 2018

गजल ‘थाहै भएन’

जिन्दगी कति चाडो ढल्किएछ थाहै भएन
मनमा प्रेमको आगो सल्किएछ थाहै भएन।

तिरमिर तिरमिर देख्दैछु त्यो परको क्षितिज 
आँखामा तिम्रो तस्विर टल्किएछ थाहै भएन।

बगैंचामा गुनगुन बढ्दै गएकोछ हिजोआज
ती फूलहरूमा भमरा पल्किएछ थाहै भएन।

बिर्सन धेरै कोशिशहरू गरि नै रहे रातभर
फेरि पुराना यादहरू झुल्किएछ थाहै भएन।

सम्झनाका छाल छचल्किएछ थाहै भएन
जिन्दगी कति चाडो ढल्किएछ थाहै भएन।

-विश्वबन्धु कार्की, हाल:अमेरिका 

14 January, 2018

गजल ‘गन्तव्य’

सधै खट्किरहन्छ मनमा एउटै कुरा
गन्तव्य टाढा कहिले होला पुरा?

आजकल मुटु दुखेको दुख्यै मेरो
एक हातले गुलाब दियौ अर्कोले छुरा।

झुपडीको छानो नटालेको वर्षौ भाछ 
कहाँ पाउँ हीराका हार सुनका चुरा?

दु:खको पहाड झनझन अग्लो बन्दैछ 
आफ्नै खुशीहरू भने बन्दै गए भुरा।

उमेरसँगै हातगोडाहरू हुदै गए लुरा
गन्तव्य टाढा कहिले होला पुरा?
-विश्वबन्धु कार्की, हाल:अमेरिका 

10 January, 2018

अमेरिकामा धेरै नेपालीहरुले काम गर्ने सेभेन ईलेभेन स्टोरहरुमा आईसको छापा


बुधबार अमेरिकाको विभिन्न राज्यहरुमा रहेका ९८ वटा सेभेन ईलेभेन स्टोरहरुमा आईसीई (इमिग्रेशन कस्टम इन्फोर्समेंट)ले छापा मारेर त्यहाँ काम गरिरहेका केही गैर कानुनी कामदारलाई पक्राउ गरेको छ। 
                                              
वाशिंगटन डिसी लगायत अन्य १७ राज्यहरु क्यालिफोर्निया, कोलोराडो, डेलावेर,  फ्लोरिडा, इलिनोइस, इंडियाना, मेरिल्यान्ड, मिचीगान, मिसोरी, नाभडा, न्यूजर्सी, न्यूयोर्क, नर्थक्यारोलिना, ओरेगन, पेंसलभेनिया, टेक्सास र वाशिंगटनमा आईसीईले छापा मारेको थियो।

आईसीई अधिकारीहरुले ती स्टोरहरुमा प्रवेश गरि स्टोर व्यवस्थापक र कामदारसँग अन्तरवार्ता लिनुको साथै स्टोरका कागज पत्रहरु चेकजाँच गरेका थिए। अमेरिकामा आप्रवासी भिसामा आएका धेरै नेपालीहरुले सेभेन ईलेभेनमा काम गर्ने गर्छन। धेरै नेपालीहरुले आफ्नै लगानीमा समेत सेभेन ईलेभेन स्टोरहरु सञ्चालन गरिरहेका छन।

ट्रम्प प्रशासनका पछिल्ला कदमहरुले आप्रवासी नितिलाई कडा बनाउदै लागेको प्रस्ट हुन्छ। ट्रम्पले डाका र टिपियस प्रणालीलाई अन्त्य गर्ने घोषणा गरि सकेका छन भने डिभि चिठ्ठा प्रणालीलाई खारेज गर्ने प्रतिबद्धता जनाएकाछन।